سؤال بسأله لنفسي كتير أوي ... هوا ياتري إحنا مسلمين ؟؟؟ قصدي مسلمين بجد ؟؟؟؟ يعني ملتزمين بالاسلام في افعالنا؟؟؟
أعتقد ان القادر يجاوب علي السؤال ده هو الشارع .. اه الشارع هو مش الشارع ده هوه صوره للبلد وللناس اللي عايشه فيه ..
الواحد أول ما ينزل من بيته أول حاجه بتلفت نظر الواحد ... البنات أيوه بنات المسلمين.. بنات علي كل شكل ولون وطبعا أكتر حاجه بتلفت النظر ليهم هوه لبسهم ...
بديهات استريتشات جينز ميكرو جييب وحاجات تانيه البنات تعرفها عني .. مش عارف هوه ده أصبح الزي الاسلامي وانا مش عارف ؟؟؟ ( أعتقد ان اي حد مش من بلادنا نزل شوارعنا هيقول ان البدي الامريكان و الجينز والطرح السبع طبقات اللي بألوان الطيف هما الزي الاسلامي ؟؟؟؟؟؟؟؟؟؟؟)
ده بالنسبه للملابس ( ملابس المحجبات ) أما غير المحجبات فالواحد والله يكسف حتي يتكلم عنه مش يلبسه.. أما بالنسبه للميك اب فحدث ولا حرج إشي اي لينر وإشي اي شادو وكريم أساس ومسكره وأحمر وأخضر واصفر واسود شفايف وحاجات كتييييييييييييييييير لا يحصيها عدد
وطبعا مش هنسي الموضه الجديده ال lenses أو العدسات .. حتي العين مسلمتشي من التغيير... لونوها بكل الالوان الطبيعيه والغير طبيعيه( ده انا حتي شفت واحده لابسه عدسه حمرا؟؟؟؟ )
دا غير الخواتم والسلاسل والغوايش ولزوم الشخلله
والجديد جدا الخلاخيل... اه والله الخلاخيل حد يصدق ان مسلمه محجبه تلبس خلخال في رجليها وتمشي في الشارع تشخلل....
وفي النهايه بعد ما المسلمه تلبس كل الحاجات دي ... تخرج تمشي في الشارع وأكنها مولد السيد البدوي أو مراجيح مولد النبي ماشيه في الشارع .......
وبعد كل ده تيجي تسأل عليها يقولولك دي متدينه أوي اه والله دي حتي بتصلي ... لا وكمان متشدده ... دي مابترضاش تلبس المايو .... ماتفهمنيش غلط؟؟ قصدي المايو القطعه واحده مش الاتنين...
مش عارف بقي مين الصح اللي مغطيه جسمها ولابسه محترم ومابتعرضش نفسها في الشارع هي الصح ولا اللي اتكلمت عليهم دول هما الصح .. ما هوه لما الغلط كتر وأصبح عادي ومحدش عاد بينكره أصبح هوه الصح وغيره غلط وتخلف وتشدد...
اخيرا ..... المفروض أجاوب علي السؤال اللي سألته لنفسي في الاول ... بس الاحسن اني احتفظ بالاجابه لنفسي ليقولو علي ارهابي
الأحد، 6 يوليو 2008
مولد النبي
الاشتراك في:
تعليقات الرسالة (Atom)
هناك 4 تعليقات:
وبعد كل ده تيجي تسأل عليها يقولولك دي متدينه أوي اه والله دي حتي بتصلي ... لا وكمان متشدده ... دي مابترضاش تلبس المايو .... ماتفهمنيش غلط؟؟ قصدي المايو القطعه واحده مش الاتنين...
ههههههههههههههه
مكنتش أعرف إن عندك المواهب الرهيبة دى
وبعدين مالهم البنات إن شاء الله.. حلوين وملونين ومقلبظين وزى الفل متضايق ليه
مش كفاية البنت مش بتلبس مايوه .. حرام عليكم يعنى هتقطع نفسها
لا صحيح حرام عليا.....
هي تقطع نفسها.. تقطع هدومها أحسن
شكرا للرد...
سلام عليكم
أزيك يا مسلم باشا. عامل ايه
والله ياأخى انا حبيتك من قبل ما اشوفك
كلامك فى الصميم. ياعمى ده بقى فى بجاحه ولا بجاحه غوانى بنى اسرائيل.
والمشكله ان اللى لابسه بنطلون ونيله بدى وحاطه زفت على وشها فاكره نفسها التقيه النقيه عشان شايفه غيرها لابسه كت وميكرو .
قال تعالى( وقرن فى بيوتكن ولا تبرجن تبرج الجاهليه الاولى.. الايه)
يالهوى
وتلاقى كل واحده تقولك انا نيتى صافيه وخالصه لله.
مش فاهم يعنى مثلا تقصد انها بتعصى ربنا بضمير ولا قصدها أيه. مهو مش ممكن تكون قصدها انها نيتها سليمه وانها كده مع ربنا فى التمام.ده يبقى خلل قصدى هبل . كله واحد.....
ياعم ربنا يسترنا والمسلمين ....
قال رسول الله صلى الله عليه وسلم( لتتبعن سنن من قبلكم شبرا بشبر ذراعا بذراع حذو القذه بالقذه ولو دخلو جحر ضب خرب لدخلتموه وراءهم قالوا اليهود والنصارى يا رسول الله قال فمن؟!)
سلام
أنا دمى أتحرق . اشوفك دايما للأمام..
الاخ ابو عبيده
اولا... احبك الذي احببتنا فيه واسال الله ان يجمعنا في ظل عرشه يوم ال ظل الا ظله
لا تستغرب يا اخي مما يحدث فوالله ما يزيدني هذا الا تصديقا بنبيي ألم تسمع ما قاله صلي الله عليه وسلم
ياتي زمان يكذب فيه الصادق ويصدق فيه الكاذب ويتكلم الرويبضه...أو كما قال
الان البنت المحتشمه اصبحت شئ غريب والاخري هي المتحرره المتدينه...
صدق رسول الله
إرسال تعليق