السبت، 9 أغسطس 2008

حلم

بحلم لو عاد الإسلام
بحلم لو عاد الإسلام يحكم من تاني ويخلي صحاري الأوطان خضره وأماني
بحلم لو نسمة إيمان هزت أركاني ييجي الفجر ويطوي الليل بحسنه الرباني
بحلم إن العدل يسود ؛ عدل عمر وجنوده اسود تحمي الحق وعنه تسود ما تخاف الجان
بحلم لو إتجمعنا صفوف كفي في كفك نبقي ألوف ونموت جوانا الخوف ونعود من تاني
بحلم إن جيوشنا كتير وسيف الدين عاد للتحرير والاقصي ينادي يا أمير طهر اركاني
الحلم إلي القلب نداه شعب بيهتف بسم الله ويخلي إمامه وهداه نهجه القرآني
بحلم لو عاااد الإسلام يحكم من تاني

الأحد، 6 يوليو 2008

فليقولوا عن حجابــــى ...... لا وربى لن أبالـــــــــى
فليقولوا عن حجابــــى ...... أنه يفنى شبـابـــــــــى
وليغالوا فى عتابــــــى ...... إن لدينى انتسابــــــــى
لا وربى لن أبالــــــــى ...... همتى مثل الجبــــــــــال
أى معنى للجمـــــال إن ....... غدا سهل المنــــــــــــال
حاولوا أن يخدعونــــى ...... صحت فيهم ان دعـونى
سوف أبقىفىحصونـى ...... لست أرضى بالمـجـون
لن ينالوا من إبائـــــــى ...... إننى رمز النقــــــــــاء
سرت والتقوى ضيائـى ...... خلف خير الأنبيـــــــاء
إن لى نفسا أبــيــــــــة ...... إنها تأبى الدنيــــــــــة
إن دربى يا أخيـــــــــة ...... قدوتى فيه سميــــــــة
من هدى دينى اغترافى ...... نبعنا أختاة صافـــــــى
دربنا درب العفــــــــاف ...... فاسلكيه لا تخافـــــــى
ديننا دين الفضيلــــــــة ...... ليس يرضى بالرذيلـــة
ياابنة الدين الجليلــــــة ...... أنت للعلياء سبيـــــــلا
باحتجابى باحتشامـــــى ...... افرموا الآن احترامـــى
سوف أمضى للأمـــــام ...... لا أبالى بالمــــــــــــلام
اقتباس

مولد النبي

سؤال بسأله لنفسي كتير أوي ... هوا ياتري إحنا مسلمين ؟؟؟ قصدي مسلمين بجد ؟؟؟؟ يعني ملتزمين بالاسلام في افعالنا؟؟؟
أعتقد ان القادر يجاوب علي السؤال ده هو الشارع .. اه الشارع هو مش الشارع ده هوه صوره للبلد وللناس اللي عايشه فيه ..
الواحد أول ما ينزل من بيته أول حاجه بتلفت نظر الواحد ... البنات أيوه بنات المسلمين.. بنات علي كل شكل ولون وطبعا أكتر حاجه بتلفت النظر ليهم هوه لبسهم ...
بديهات استريتشات جينز ميكرو جييب وحاجات تانيه البنات تعرفها عني .. مش عارف هوه ده أصبح الزي الاسلامي وانا مش عارف ؟؟؟ ( أعتقد ان اي حد مش من بلادنا نزل شوارعنا هيقول ان البدي الامريكان و الجينز والطرح السبع طبقات اللي بألوان الطيف هما الزي الاسلامي ؟؟؟؟؟؟؟؟؟؟؟)
ده بالنسبه للملابس ( ملابس المحجبات ) أما غير المحجبات فالواحد والله يكسف حتي يتكلم عنه مش يلبسه..
أما بالنسبه للميك اب فحدث ولا حرج إشي اي لينر وإشي اي شادو وكريم أساس ومسكره وأحمر وأخضر واصفر واسود شفايف وحاجات كتييييييييييييييييير لا يحصيها عدد
وطبعا مش هنسي الموضه الجديده ال lenses أو العدسات .. حتي العين مسلمتشي من التغيير... لونوها بكل الالوان الطبيعيه والغير طبيعيه( ده انا حتي شفت واحده لابسه عدسه حمرا؟؟؟؟ )
دا غير الخواتم والسلاسل والغوايش ولزوم الشخلله
والجديد جدا الخلاخيل... اه والله الخلاخيل حد يصدق ان مسلمه محجبه تلبس خلخال في رجليها وتمشي في الشارع تشخلل....
وفي النهايه بعد ما المسلمه تلبس كل الحاجات دي ... تخرج تمشي في الشارع وأكنها مولد السيد البدوي أو مراجيح مولد النبي ماشيه في الشارع .......
وبعد كل ده تيجي تسأل عليها يقولولك دي متدينه أوي اه والله دي حتي بتصلي ... لا وكمان متشدده ... دي مابترضاش تلبس المايو .... ماتفهمنيش غلط؟؟ قصدي المايو القطعه واحده مش الاتنين...
مش عارف بقي مين الصح اللي مغطيه جسمها ولابسه محترم ومابتعرضش نفسها في الشارع هي الصح ولا اللي اتكلمت عليهم دول هما الصح .. ما هوه لما الغلط كتر وأصبح عادي ومحدش عاد بينكره أصبح هوه الصح وغيره غلط وتخلف وتشدد...
اخيرا ..... المفروض أجاوب علي السؤال اللي سألته لنفسي في الاول ... بس الاحسن اني احتفظ بالاجابه لنفسي ليقولو علي ارهابي

الأربعاء، 30 أبريل 2008

دعاء

دعوني أناجي مولا جليـــــــلا.......... إذا الليل أرخي علينا الســدول
نظرت اليك بقلـــب ذليـــــــــل.......... لأرجوا به يا الهي القبــــــولا
لك الحمد والمجد والكبريــــاء.......... وأنت الاله الذي لم يـــــــزولا
وأنت الالــه الذي لم يــــــــزل.......... حميدا كريما عظيما جليـــــلا
تميت الأنام وتحييا العظـــــام........... وتنشي الخلائق جيلا فجيــلا
عظيم الجلال كريم الفعـــــــال ......... جزيل النوال تنيل الســــؤولا
حبيب القلوب غفور الذنـــوب.......... تواري العيوب تقيل الجهـولا
وتعطي الجزيل وتولي الجميل......... وتأخذ من ذا وذاك القليــــــلا
خزائـــن جودك لا تنقضــــــي ........ تعم الجواد بهــا والبخيــــــلا
إقتباس

الأحد، 27 أبريل 2008

والله لنزاحمنهم

بالطبع أول شئ لازم أكتبه ... إني أبين معني اسم المدونه وليه أخترت الاسم ده ؟؟؟؟
أي حد هيقري الاسم ده مش هيفهم منه حاجه عشان كده لازمله شرح
ودي كانت البدايه.... كنت في يوم في الجامع بسمع خطبة الجمعه وكان الشيخ كالعاده عمال يوجع ف قلبه ... يامسلمين إمتي ترجعوا لربنا .. يا مسلمين فوقوا .. يامسلمين .. يا مسلمين .. وأكنه بينادي في مالطه أو بينادي علي ميتين ..!!!
وفجأه ؟؟؟؟ واحد من الميتين "اللي هوه أنا" ربنا أحياه عشان يسمعله كلمه ممكن تغير مسار حياته!!!!!!! (والله لنزاحمنهم) القصه باختصار ان كان في واحد اسمه "أبو موسي الخولاني " رجل من التابعين كان عابد زاهد لدرجة ان قصصه ف العباده بتتحكي الي الان..
وقصه من قصصه إنه كان معلق في مسجده " سوط" عصايه يعني وكل ما رجله توجعه من الصلي يمسك العصايه دي ويضرب رجله ويقول لنفسه يا نفس ..
هل يظن أصحاب محمدا أن لم يخلفوا رجالا !!! والله لنزاحمنهم علي الحوض حتي يعلموا أنهم قد خلفوا رجالا
مين أبو موسي ده ؟؟؟ نبي... رسول... لا ده انسان زيي تماما "أنا بكلم نفسي" بس الفرق بيني وبينه انه فعلا بيحب ربنا بجد مش بهزار .. مش بيحبه بالكلام .. بيحبه بالعمل .. وكان نتيجه لكده قرر انه يزاحم أبو بكر وعمر وعثمان وعلي وطلحه والزبير وبلال ؟؟؟علي الحوض( الحوض اللي هيجتمع فيه المسلمين مع نبيهم .. مع حبيبهم.. يوم القيامه عشان يشربوا من ايده شربه هنيه لا يظمأون بعدها أبدا ) هوه قرر انه يزاحم الناس دي .. بس الزحام اليوم ده مش هيكون بالعضلات .. ولا وسع الريس جي ولا أشد اللي قدامي عشان أوصل الاول .. لأه .. الزحام اليوم ده بالعمل الصالح .. بالصلاه بالصوم بالذكر بحب الله بصلة الرحم ب........
واللي ف اليوم ده هيحاول يزاحم ويوصل للنبي من غير عمل صالح.. هتبعده الملائكه .. ويقولهم النبي سيبوه ده مسلم....تقوله الملائكه يا رسول الله "انك لا تدري ما أحدثوا بعدك؟؟؟" يا رسول الله انت ما تعرفش ده كان بيعمل ايه دا ساب الصلاه .. وكان مصاحب البنات .. ده عمل وعمل وعمل.. فيقول الرسول ""سحقا سحقا..بعدا بعدا"" يعني ابعد عني انت مش من أتباعي
ومن هنا قررت اني أرفع شعار ""والله لنزاحمنهم"" احنا كمان "ان شاء الله" هنزاحم أصحاب النبي .. ليه لأه؟؟ آه الموضوع صعب بس لو استعنا بالله وصدقنا النيه هنقدر
ووالله لنزاحمنهم